കോഡൂര്‍: വലിയാട് യു.എ.എച്ച്.എം.എല്‍.പി സ്‌കൂളില്‍ നിന്നു വിവിധ സ്‌കോളര്‍ഷിപ്പ് പരീക്ഷകളില്‍ ഉന്നത വിജയം നേടിയ വിദ്യാര്‍ഥികളെ പി.ടി.എ ഉപഹാരം നല്‍കി അനുമോദിച്ചു. ചടങ്ങ് പഞ്ചായത്ത് പ്രസിഡന്റ് സി.പി ഷാജി ഉദ്ഘാടനം ചെയ്തു. പി.ടി.എ പ്രസിഡന്റ് അബ്ദുല്‍ നാസര്‍ പാലാംപടിയന്‍ അധ്യക്ഷനായി.
പഞ്ചായത്ത് അംഗങ്ങളായ കെ.എം സുബൈര്‍,  മുഹമ്മദലി കടമ്പോട്ട്, സ്‌കൂള്‍ പ്രധാനാധ്യാപകന്‍ കെ.എം മുസ്തഫ, എം.ടി.എ പ്രസിഡന്റ് എം.ടി ഫരീദ, പി.ടി.എ ഭാരവാഹികളായ മുഹമ്മദലി അല്ലക്കാട്ട്, മുഖ്താര്‍ ബാബു പൊന്നേത്ത്, പി. ഇന്ദിര, രമ്യ പരി, സീനിയര്‍ അസിസ്റ്റന്റ് കെ.ആര്‍. നാന്‍സി, സ്റ്റാഫ് സെക്രട്ടറി ടി. ഷാഹുല്‍ ഹമീദ്, അധ്യാപകരായ സുബോധ് പി. ജോസഫ്, എം.പി ഫസല്‍ സംസാരിച്ചു.