പെരിന്തല്‍മണ്ണ: പൊലിസ് സ്റ്റേഷന്‍ വളപ്പിലെ ചീനിമരത്തിന്റെ കൊമ്പ് നഗരമധ്യത്തിലെ ടാക്‌സി സ്റ്റാന്‍ഡിനു മുകളിലേക്ക് പൊട്ടിവീണ് അപകടം. കഴിഞ്ഞദിവസം രാത്രിയിലാണ് സംഭവം. ആളൊഴിഞ്ഞ സമയമായതിനാല്‍ വന്‍ ദുരന്തം ഒഴിവായി. മരക്കൊമ്പ് പൊട്ടിവീണതോടെ ആസ്ബസ്റ്റോസ് ഷീറ്റിട്ട് മേഞ്ഞ ടാക്‌സി സ്റ്റാന്‍ഡിന്റെ മേല്‍ക്കൂര ഏതുനിമിഷവും തകര്‍ന്നു വീഴുമെന്ന സ്ഥിതിയിലാണിപ്പോള്‍. ഇതോടെ കാല്‍നടയാത്രക്കാരും ടാക്‌സി ഡ്രൈവര്‍മാരും ഏറെ ഭീതിയിലായിരിക്കുകയാണ്.