കടയ്ക്കല്‍: എംഎസ്എം അറബിക് കോളജ് പ്രതിഭാസംഗമം 2017 കടയ്ക്കല്‍ വ്യാപാര ഭവനില്‍ ഒന്‍പതിന് രാവിലെ 11ന് സംസ്ഥാന വനം മന്ത്രി കെ. രാജു ഉദ്ഘാടനം ചെയ്യും. വിവിധ മേഖലകളില്‍ മികവ് കാട്ടിയ പ്രതിഭകര്‍ക്ക് മന്ത്രി അവാര്‍ഡുകള്‍ നല്‍കും. 23-ാം വാര്‍ഷികോപഹാരം സുവനീര്‍ മുല്ലക്കര രത്‌നാകരന്‍ പ്രകാശനം ചെയ്യും. ഡയറക്ടര്‍ ഡോ. എം.എസ് മൗലവി അധ്യക്ഷനാകും. കോഴ്‌സ് പൂര്‍ത്തിയാക്കിയവര്‍ക്കുള്ള ഗ്രാമപ്പഞ്ചായത്ത് പ്രസിഡന്റ് ആര്‍.എസ് ബിജു വിതരണം ചെയ്യും. ജില്ലാപഞ്ചായത്തംഗം പി.ആര്‍ പുഷ്‌ക്കരന്‍ അനുമോദന പ്രഭാഷണം നടത്തും. ജനപ്രതിനിധികളും സാംസ്‌കാരിക നേതാക്കളും സംസാരിക്കും. ഉച്ചയ്ക്കുശേഷം പൂര്‍വ വിദ്യാര്‍ഥി സമ്മേളനവും രാവിലെ 9.30ന് രക്ഷകര്‍ത്താക്കളുടെ സമ്മേളനവും നടക്കും.