നിലമ്പൂര്‍: അഖിലേന്ത്യ കിസാന്‍സഭ ജില്ലാ സമ്മേളനം ഇന്നും നാളെയുമായി നിലമ്പൂരില്‍ നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. ഇന്ന് ഉച്ചയ്ക്ക് രണ്ടിന് നിലമ്പൂര്‍ ഐ.എം.എ ഹാളില്‍ നടക്കുന്ന കാര്‍ഷിക സെമിനാറോടെ സമ്മേളനത്തിന് തുടക്കമാവും. കൃഷി മന്ത്രി വി.എസ് സുനില്‍കുമാര്‍ ഉദ്ഘാടനം ചെയ്യും. കിസാന്‍സഭ സംസ്ഥാന ജനറല്‍ സെക്രട്ടറി സത്യന്‍ മൊകേരി മുഖ്യ പ്രഭാഷണം നടത്തും.
പി.വി അബ്ദുല്‍ വഹാബ് എം.പി, പി.വി അന്‍വര്‍ എം.എല്‍.എ, മുനിസിപ്പല്‍ ചെയര്‍പേഴ്‌സണ്‍ പത്മിനി ഗോപിനാഥ് തുടങ്ങിയവര്‍ സംബന്ധിക്കും. കര്‍ഷക അവാര്‍ഡ് ജേതാക്കളെയും മുന്‍കാല കിസാന്‍സഭാ നേതാക്കളെയും ആദരിക്കും.