ഈരാറ്റുപേട്ട: ദേശീയ അധ്യാപക ദിനത്തോടനുബന്ധിച്ച് ഈരാറ്റുപേട്ട റിംസ് ആശുപത്രിയുടെയും 'എന്റെ ഈരാറ്റുപേട്ട' ഫെയ്‌സ്ബുക്ക് ഗ്രൂപ്പിന്റെയും കേരളാസ്റ്റേറ്റ് പെന്‍ഷനേഴ്‌സ് യൂനിയന്‍ ഈരാറ്റുപേട്ട യൂനിറ്റിന്റെയും സംയുക്താഭിമുഖ്യത്തില്‍ റിംസ് ഹോസ്പിറ്റലില്‍ ഗുരുവന്ദനം സംഘടിപ്പിച്ചു.
റിംസ് മെഡിക്കല്‍ ഡയറക്ടര്‍ ഡോ.സീതിയുടെ അധ്യക്ഷതയില്‍ ചേര്‍ന്ന യോഗത്തില്‍ ദ്രോണാചാര്യ അവാര്‍ഡ് ജേതാവ് കെ.പി തോമസ് മാഷ് ഉദ്ഘാടനം ചെയ്തു.
പെന്‍ഷനേഴ്‌സ് യൂനിയന്‍ ഈരാറ്റുപേട്ട യൂനിറ്റ് വൈസ്പ്രസിഡന്റ് ഇ. മുഹമ്മദ് അധ്യാപകദിന സന്ദേശം നല്‍കി. ഓള്‍ ഇന്ത്യാ ഇമാംസ്‌കൗണ്‍സില്‍ സംസ്ഥാന പ്രസിഡന്റ് മുഹമ്മദ് ഈസാമൗലവി അനുഗ്രഹ പ്രഭാഷണം നടത്തി.
റിംസ് ചെയര്‍മാന്‍ ഡോ.മുഹമ്മദ് ഇസ്മയില്‍, അരുവിത്തുറ ഫൊറോന പള്ളി വികാരി റവ. ഫാ. തോമസ് വെടിക്കുന്നേല്‍, ഈരാറ്റുപേട്ട മുനിസിപ്പല്‍ ചെയര്‍മാന്‍ ടി.എം റഷീദ് , അരുവിത്തുറ സെന്റ്‌ജോര്‍ജ് കോളജ് പ്രിന്‍സിപ്പല്‍ ഡോ.എം.വി ജോര്‍ജുകുട്ടി, ജയശ്രീ വര്‍മ്മ (പൂഞ്ഞാര്‍കൊട്ടാരം), അഹസ്‌കര പണിക്കര്‍, ആസിം പി. നൗഷാദ്, റിംസ് അഡ്മിനിസ്‌ട്രേറ്റര്‍ ക്യാപ്റ്റന്‍ ജെ.സി ജോസഫ്, ഓപ്പറേഷന്‍സ് മാനേജര്‍ ബെന്നിതോമസ് സംസാരിച്ചു.