കണ്ണൂര്‍: വിയോജിക്കുന്നവരെ വെടിവച്ചു വീഴ്ത്തുന്ന ഫാസിസ്റ്റ് ഭീകരതയ്‌ക്കെതിരേ 'ഞങ്ങള്‍ വിയോജിക്കുന്നു' എന്ന മുദ്രാവാക്യമുയര്‍ത്തി കണ്ണൂര്‍ കാല്‍ടെക്‌സ് ഗാന്ധി സര്‍ക്കിളില്‍ എം.എസ്.എഫ് പ്രതിഷേധ വലയം സംസ്ഥാന പ്രസിഡന്റ് മിസ്ഹബ് കീഴരിയൂര്‍ ഉദ്ഘാടനം ചെയ്തു.
ജില്ലാ പ്രസിഡന്റ് സി.കെ നജാഫ് അധ്യക്ഷനായി. റിജില്‍ മാക്കുറ്റി, എം.പി മുഹമ്മദലി, ടി.എന്‍.എ ഖാദര്‍, ഫൈസല്‍ ചെറുകുന്നോന്‍, ഷാക്കിര്‍ ആഡൂര്‍, ഫായിസ് കവ്വായി, ഷജീര്‍ ഇഖ്ബാല്‍, സുബൈര്‍ തെക്കെയില്‍, നസീര്‍ പുറത്തീല്‍, ഫവാസ് പുന്നാട്, ശുഹൈബ് കൊതേരി, ഒ.കെ ജാസിര്‍, ജംഷീര്‍ ആലക്കാട്, അഷ്‌കര്‍ പഴഞ്ചിറ സംസാരിച്ചു.