കോഴിക്കോട്: കേരള ഗ്രാമീണബാങ്ക് റിട്ടയറീസ് ഫോറം സംസ്ഥാന സമ്മേളനം നാളെ കോഴിക്കോട് എന്‍.ജി.ഒ യൂനിയന്‍ ഹാളില്‍ നടക്കും. രാവിലെ 10ന് മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്യും. സംസ്ഥാന പ്രസിഡന്റ് സി. ഗോവിന്ദന്‍കുട്ടി അധ്യക്ഷനാകും. മേയര്‍ തോട്ടത്തില്‍ രവീന്ദ്രന്‍, എ. പ്രദീപ് കുമാര്‍ എം.എല്‍.എ, കെ.കെ.സി പിള്ള, സി. രാജീവന്‍, എസ്.എസ് അനില്‍, ഐ.കെ ബിജു, നാസര്‍, എം. സുരേഷ്, കെ. കൃഷ്ണന്‍ പങ്കെടുക്കും. 11.30ന് പ്രതിനിധി സമ്മേളനം ഗ്രാമീണബാങ്ക് റിട്ടയറീസ് ഫെഡറേഷന്‍ കര്‍ണാടക ഘടകം സെക്രട്ടറി ഗണപതി ഹെഗ്‌ഡെ ഉദ്ഘാടനം ചെയ്യും. തുടര്‍ന്നു ഭാരവാഹി തെരഞ്ഞെടുപ്പും നടക്കുമെന്നു സംഘാടകരായ സി. ഗോവിന്ദന്‍കുട്ടി, ഒ.കെ രവീന്ദ്രന്‍, ഇ. പ്രേംകുമാര്‍, കെ.ടി ബാബു, രാമന്‍ നമ്പീശന്‍, പി. മധുസൂദനന്‍ വാര്‍ത്താസമ്മേളനത്തില്‍ അറിയിച്ചു.