കോഴിക്കോട്: കേന്ദ്ര സാഹിത്യ അക്കാദമി ബാലസാഹിത്യ പുരസ്‌കാരം നേടിയ സാഹിത്യകാരനും യുവസാഹിതീ സമാജം പ്രസിഡന്റുമായ ഡോ. എന്‍.പി ഹാഫിസ് മുഹമ്മദിന് പൗരസ്വീകരണം നല്‍കുന്നു. ഞായറാഴ്ച വൈകീട്ട് നാലിനു ഫ്രാന്‍സിസ് റോഡിലുള്ള യുവസാഹിതീ സമാജം അങ്കണത്തില്‍ വച്ച് നടക്കുന്ന ചടങ്ങ് എം.ടി വാസുദേവന്‍ നായര്‍ ഉദ്ഘാടനം ചെയ്യും. മാതൃഭൂമി ഡയരക്ടര്‍ പി.വി ഗംഗാധരന്‍ പൊന്നാട അണിയിക്കും. മാധ്യമ പ്രവര്‍ത്തകരായ പി.ജെ ജോഷ്വാ, പി.കെ പാറക്കടവ്, എ. സജീവന്‍ പങ്കെടുക്കുമെന്ന് യുവസാഹിതീ സമാജം സെക്രട്ടറി സി.എ സലീമും സ്വാഗതസംഘം കണ്‍വീനര്‍ പി.പി അബ്ദുല്ലയും അറിയിച്ചു.