ശ്രീനഗര്‍: അമര്‍നാഥ് ഭീകരാക്രമണത്തിന്റെ സൂത്രധാരന്‍ അബു ഇസ്മയില്‍ കൊല്ലപ്പെട്ടതായി സൈന്യം. നൗഗാമിനു സമീപം സുരക്ഷാ സൈനികരുമായുള്ള ഏറ്റുമുട്ടലിലാണ് അബു ഇസ്മയില്‍ കൊല്ലപ്പെട്ടത്.

ലഷ്‌കര്‍ ഇ ത്വയിബ കമാന്‍ഡറാണ് ഇയാള്‍. ഇരുപത്താറുകാരനായ അബു ഇസ്മയില്‍ രണ്ടു വര്‍ഷം മുന്‍പാണ് പാകിസ്താനില്‍നിന്ന് ഇന്ത്യയിലേക്ക് നുഴഞ്ഞു കയറിയത്.

പിന്നീട് കശ്മിര്‍ താഴ്‌വരയില്‍ ലഷ്‌കര്‍ ഇ ത്വയിബയുടെ കമാന്‍ഡറായി പ്രവര്‍ത്തിക്കുകയായിരുന്നു എന്നും സൈന്യം അറിയിച്ചു.

കഴിഞ്ഞ ജൂലൈയിലാണ് അമര്‍നാഥ് തീര്‍ഥാടകര്‍ക്കു നേരേ ഭീകരാക്രമണം നടന്നത്. എട്ടു പേര്‍ ആക്രമണത്തില്‍ മരിച്ചിരുന്നു.