സുല്‍ത്താന്‍ ബത്തേരി: കഞ്ചാവുമായി യുവാവ് എക്‌സൈസ് പിടിയില്‍. ബത്തേരി പുറക്കാടി വില്ലേജിലെ കാര്യമ്പാടി ചണ്ണാളി വീട്ടില്‍ ലത്തീഫാ(24)ണ് അറസ്റ്റിലായത്. മുത്തങ്ങ ചെക്ക്‌പോസ്റ്റ് വഴി കടത്താന്‍ ശ്രമിച്ച 68 ഗ്രാം കഞ്ചാവാണ് ഇയാളില്‍ നിന്ന് പിടിച്ചെടുത്തത്.
വാഹനങ്ങളില്‍ പരിശോധനയായതിനാല്‍ ഇയാള്‍ ബസിറങ്ങി നടന്ന് വരികയായിരുന്നു. സംശയം തോന്നിയതിനാല്‍ എക്‌സൈസ് സംഘം പിടിക്കുകയായിരുന്നു. ഗുണ്ടല്‍പേട്ടയില്‍ നിന്നാണ് ഇയാള്‍ കഞ്ചാവ് വാങ്ങിയത്. അറവുശാലയിലെ ജോലിക്കാരനാണിയാള്‍. ഉച്ചക്ക് ഒന്നരയോടെ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ സാബു പി കുര്യന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. സംഘത്തില്‍ ഇന്‍സ്‌പെക്ടര്‍ സി അബു,
പ്രിവന്റീവ് ഓഫിസര്‍മാരായ അനീഷ് ജോസ്, പി.ടി സജിമോന്‍, സിവില്‍ എക്‌സൈസ് ഓഫീസര്‍മാരായ എ.സി ചന്ദ്രന്‍, പി.പി ശ്രീജേഷ് എന്നിവരുമുണ്ടായിരുന്നു.