പറവൂര്‍: ഗവ.ഹയര്‍ സെക്കണ്ടറി സ്‌കൂളിലെ സ്‌കൗട്ട് ആന്റ് ഗൈഡ്‌സ്, എന്‍.എസ്.എസ് വിദ്യാര്‍ഥികള്‍ അവരുടെ ഓണാഘോഷം പറവൂര്‍ സാന്ത്വനം കരുണാലയത്തിലെ അന്തേവാസികളോടൊപ്പം ആഘോഷിച്ചു. എല്ലാവര്‍ക്കും പുതുവസ്ത്രങ്ങള്‍ നല്‍കിയും കുട്ടികള്‍ വീട്ടില്‍ നിന്നും കൊണ്ടുവന്ന ഭക്ഷണ സാധനങ്ങള്‍ കൊണ്ട് ഓണസദ്യവിളമ്പിയും നാടന്‍ പാട്ടും കലാപരിപാടികളുമായി ഓണാഘോഷം അവിസ്മരണീയമാക്കി.
പരിപാടികള്‍ നഗരസഭാ ക്ഷേമകാര്യ സ്റ്റാന്റ്റിങ് കമ്മറ്റി ചെയര്‍പേഴ്‌സണ്‍ ജലജ രവീന്ദ്രന്‍ ഉദ്ഘാടനം ചെയ്തു. അനില്‍ മാസ്റ്റര്‍, ഷൈബി ടീച്ചര്‍ , രാജശ്രീ ടീച്ചര്‍, ശാന്ത, വളണ്ടിയര്‍ വിദ്യാര്‍ത്ഥികളായ റെനില്‍, സീന, നിരുപമ, അമല എന്നിവര്‍ നേതൃത്വം നല്‍കി.