തിരുവനന്തപുരം: ബാഡ്മിന്റണ്‍ കായിക താരങ്ങളെ തിരഞ്ഞെടുക്കുന്നതിന് സെലക്ഷന്‍ ട്രയല്‍സ് 18ന് രാവിലെ എട്ടിന് കൊച്ചിയിലെ റീജ്യനല്‍ സ്‌പോര്‍ട്‌സ് സെന്ററില്‍ നടത്തും. ജൂനിയര്‍, സബ് ജൂനിയര്‍ വിഭാഗത്തിലുള്ള ആണ്‍കുട്ടികളുടെയും പെണ്‍കുട്ടികളുടെയും (സിംഗിള്‍സ്, ഡബിള്‍സ്) വിഭാഗങ്ങളിലാണ് സെലക്ഷന്‍ ട്രയല്‍സ് നടത്തുന്നത്. അന്തര്‍ദേശീയ റാങ്കിങ്ങിലോ അല്ലെങ്കില്‍ കേരള റാങ്കിങ്ങില്‍ 10നകം വന്നിട്ടുള്ളതുമായ കായിക താരങ്ങള്‍ക്ക് പങ്കെടുക്കാം. സെലക്ഷന്‍ ട്രയല്‍സില്‍ പങ്കെടുക്കാന്‍ ആഗ്രഹിക്കുന്നവര്‍ വയസു തെളിയിക്കുന്ന സര്‍ട്ടിഫിക്കറ്റ്, റാങ്കിങ് തെളിയിക്കുന്ന സര്‍ട്ടിഫിക്കറ്റ്, സ്‌പോര്‍ട്‌സ് കിറ്റ് എന്നിവ സഹിതം കൊച്ചി റീജ്യനല്‍ സ്‌പോര്‍ട്‌സ് സെന്ററില്‍ അന്നേദിവസം രാവിലെ 7.30ന് എത്തണം.