വടകര: സര്‍വിസ് പെന്‍ഷനേഴ്‌സ് യൂനിയന്റെ നേതൃത്വത്തില്‍ വെള്ളികുളങ്ങരയില്‍ രൂപീകരിച്ച ബ്ലോക്ക് പെന്‍ഷനേഴ്‌സ് സോഷ്യല്‍ വെല്‍ഫെയര്‍ സഹകരണ സംഘത്തിന്റെ ഉദ്ഘാടനം 17ന് കാലത്ത് 9 ന് തൊഴില്‍ വകുപ്പ് മന്ത്രി ടി.പി രാമകൃഷ്ണന്‍ നിര്‍വഹിക്കുമെന്ന് ഭരണസമിതി അംഗങ്ങള്‍ വാര്‍ത്താ സമ്മേളനത്തില്‍ അറിയിച്ചു.
പെന്‍ഷന്‍കാരുടെ താല്‍പ്പര്യങ്ങളോടൊപ്പം ബഹുജനങ്ങളുടെ താല്‍പ്പര്യങ്ങള്‍ കൂടി സംരക്ഷിക്കാന്‍ കഴിയുന്ന വിധം സഹകരണ രംഗത്ത് വിപുലമായ കൂട്ടായ്മ വളര്‍ത്തിയെടുക്കുകയാണ് സംഘം ലക്ഷ്യമിടുന്നതെന്ന് ഭരണ സമിതി അംഗങ്ങള്‍ പറഞ്ഞു. സി.കെ നാണു എം.എല്‍.എ അധ്യക്ഷനാകും. ബ്ലോക്ക് പഞ്ചായത്ത് പ്രസിഡന്റ് കോട്ടയില്‍ രാധാകൃഷ്ണന്‍ ജി.ഡി.എസ് സ്വീകരിക്കും.
യു.എല്‍.സി.സി.എസ് പ്രസിഡന്റ് പാലേരി രമേശന്‍ ആദ്യ നിക്ഷേപം സ്വീകരിക്കും. പി.കെ പുരുഷോത്തമന്‍ ഷെയര്‍ സര്‍ട്ടിഫിക്കറ്റ് വിതരണം ചെയ്യും. വാര്‍ത്താസമ്മേളനത്തില്‍ സംഘം പ്രസിഡന്റ് കെ. മധുസൂദനന്‍, വൈസ് പ്രസിഡന്റ് എന്‍.പി ഭാസ്‌കരന്‍, എം. ബാലകൃഷ്ണന്‍ നമ്പ്യാര്‍, കെ.പി ഗോപിനാഥന്‍ പങ്കെടുത്തു.