കാസര്‍കോട്: മുഹമ്മദ് സിനാന്‍ വധക്കേസില്‍ വിധി പറയല്‍ 18ലേക്കു മാറ്റി വച്ചു. നേരത്തെ ഓഗസ്റ്റ് 17നു വിധി പറയാനിരുന്നതായിരുന്നു. പിന്നീട് 31ലേക്കും അതിനു ശേഷം സെപ്റ്റംബര്‍ 15ലേക്കും മാറ്റിവച്ചതായിരുന്നു. ഇന്നലെ കോടതി ചേര്‍ന്നയുടനെ വിധി പറയുന്നത് 18ലേക്കു മാറ്റിയതായി കാസര്‍കോട് ജില്ലാ സെഷന്‍സ് ജഡ്ജ് മനോഹര്‍ കിണി അറിയിച്ചു. അണങ്കൂര്‍ ജെ.പി കോളനിയിലെ ജ്യോതിഷ് (30), അടുക്കത്ത്ബയല്‍ കശുവണ്ടി ഫാക്ടറി റോഡില്‍ കിരണ്‍ കുമാര്‍ (30), കെ. നിധിന്‍ കുമാര്‍(33) എന്നിവരുടെ ശിക്ഷാവിധിയാണ് മാറ്റിവെച്ചത്. 2008 ഏപ്രില്‍ 16നാണ് നെല്ലിക്കുന്ന് ബങ്കരക്കുന്നിലെ മുഹമ്മദ് സിനാന്‍ ആനബാഗിലു അണ്ടര്‍ ബ്രിഡ്ജിനു സമീപം കൊല്ലപ്പെട്ടത്. പ്രോസിക്യൂഷനു വേണ്ടി അഡ്വ. സി.എന്‍ ഇബ്രാഹിമും പ്രതികള്‍ക്കു വേണ്ടി ബി.ജെ.പി മുന്‍ സംസ്ഥാന പ്രസിഡന്റ് അഡ്വ.പി.എസ് ശ്രീധരന്‍ പിള്ളയുമാണു ഹാജരായത്.