മലപ്പുറം: കാലാവസ്ഥാ വ്യതിയാനം കടുത്ത ഭീഷണിയായിരിക്കുന്ന ആധുനികകാലത്ത് വികസന സൂചികകള്‍ ജി.ഡി.പിക്കു പകരം ജനങ്ങളുടെ ആഹ്ലാദം മാനദണ്ഡമാക്കി പുതുക്കി നിര്‍വചിക്കണമെന്ന് മലപ്പുറം പ്രസ്‌ക്ലബ് പ്രസിഡന്റ് ഐ സമീല്‍ അഭിപ്രായപ്പെട്ടു.
ഫ്രണ്ട്‌സ് ഓഫ് നാച്വര്‍ മലപ്പുറം ജില്ലാ പഞ്ചായത്ത്, സംസ്ഥാന കാലാവസ്ഥ വ്യതിയാന ഡയറക്ടറേറ്റ് എന്നിവരുമായി സഹകരിച്ച് സംഘടിപ്പിച്ച ഓസോണ്‍ ദിനാചരണ ശില്‍പശാല ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലയിലെ വിവിധ കോളജുകളില്‍ നിന്നുള്ള വിദ്യാര്‍ഥികള്‍ പങ്കെടുത്ത പരിപാടിയില്‍ ഡോ. അദില്‍ നഫര്‍, വി.പി ഷാഫി, എം.പി ചന്ദ്രന്‍ ക്ലാസുകള്‍ നയിച്ചു.