വിഴിഞ്ഞം: പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിച്ച കേസിലെ പ്രതിയെ അറസ്റ്റ് ചെയ്തു. കോട്ടുകാല്‍ ചൊവ്വര തേരിവിള അജീഷ് ഭവനില്‍ അജീഷ് (22 ) ആണ് അറസ്റ്റിലായത്. 2015ലാണ് കേസിനാസ്പദമായ സംഭവം നടന്നത്.
പ്രണയം നടിച്ച് വശത്താക്കിയ പെണ്‍കുട്ടിയോടൊപ്പം കുറച്ചുനാള്‍ താമസിച്ച് പീഡനത്തിനിരയാക്കുകയും ഒരു കുഞ്ഞുണ്ടായ ശേഷം പെണ്‍കുട്ടിയെ ഉപേക്ഷിച്ച് കടന്നുകളയുകയുമായിരുന്നു. തുടര്‍ന്ന് പീഡനത്തിനിരയായ പെണ്‍കുട്ടി തിരുവനന്തപുരം ചൈല്‍ഡ് വെല്‍ഫെയര്‍ കമ്മിറ്റിക്ക് നല്‍കിയ പരാതിയുടെ അടിസ്ഥാനത്തിലാണ് കാഞ്ഞിരംകുളം പോലീസ് പ്രതിക്കെതിരെ പോസ്‌കോ നിയമപ്രകാരം കേസ് രജിസ്റ്റര്‍ ചെയ്തത്. പീഡനത്തിനിരയായ പെണ്‍കുട്ടി പരാതി നല്‍കിയത് അറിഞ്ഞ പ്രതി ഒളിവില്‍ പോവുകയായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.