പെരിങ്ങത്തൂര്‍: അഞ്ചാമത് സംസ്ഥാന തൈക്വാണ്ടോ ചാംപ്യന്‍ഷിപ്പിന്റെ ലോഗോ പ്രകാശനം പെരിങ്ങത്തൂര്‍ മൗണ്ട് ഗൈഡ് ഇന്റര്‍നാഷണല്‍ സ്‌കൂളില്‍ തലശ്ശേരി സായി സെന്റര്‍ ഡയറക്ടര്‍ ഡോ. എന്‍.ബി സുരേഷ് നിര്‍വഹിച്ചു. സ്‌കൂള്‍ ഡയറക്ടര്‍ കെ.കെ ഫൈസല്‍ അധ്യക്ഷനായി. അന്തര്‍ദേശീയ തൈക്വാണ്ടോ റഫറി പി.സി ഗോപിനാഥ് മത്സരങ്ങളുടെ നടത്തിപ്പ് വിശദീകരിച്ചു. തൈക്വാണ്ടോ അസോ. ജില്ലാ ജോയിന്റ് സെക്രട്ടറി കെ. ജിനേഷ്, പ്രിന്‍സിപ്പല്‍ പി. ഷംഷാദ, ടി.കെ ഹാഷിം, ദേവദാസ് മത്തത്ത്, പി. ബിജോയ്, കെ.പി റിയാസ്, സയിദ് മുഹമ്മദ് ഫഹദ് സംസാരിച്ചു. സ്‌കൂളില്‍ നിന്നു തൈക്വാണ്ടോ മത്സരത്തില്‍ മികച്ച വിജയം കൈവരിച്ചവര്‍ക്കുള്ള പ്രശസ്തി പത്രം ഡോ. എന്‍.ബി സുരേഷ് വിതരണം ചെയ്തു.