കൊടിയത്തൂര്‍: ചെറുവാടി ഗവ. ഹയര്‍ സെക്കന്‍ഡറി സ്‌കൂളില്‍ അധികൃതരുടെ അനാസ്ഥ മൂലം വിദ്യാര്‍ഥികള്‍ ദുരിതത്തില്‍.
സ്‌കൂളിന് പുതിയ ക്ലാസ്‌റൂം പണിയുന്നതിനായി എത്തിച്ച സാധനസാമിഗ്രികളുടെ അവശിഷ്ടങ്ങള്‍ സ്‌കൂള്‍ കോംപൗണ്ടിന് അകത്തുതന്നെ നിക്ഷേപിച്ചതാണ് ദുരിതമാവുന്നത്.
കെട്ടിടനിര്‍മാണത്തിനായെത്തിയ കല്ലുകളുടെ കഷണങ്ങളും മണ്ണും സ്‌കൂള്‍ മുറ്റത്ത് ചിതറിക്കിടക്കുകയാണ്.
കഴിഞ്ഞ ദിവസങ്ങളില്‍ പെയ്ത മഴയില്‍ വെള്ളം കെട്ടിക്കിടന്ന് മുറ്റം ചളിക്കൂമ്പാരമായി മാറിയിട്ടുണ്ട്. മലിനജലത്തില്‍ ചവിട്ടി വിദ്യാര്‍ഥികള്‍ ക്ലാസിലെത്തുന്നതോടെ ക്ലാസ്മുറിയും യൂനിഫോമും വൃത്തികേടാകുന്നു.
സംഭവത്തില്‍ നാട്ടുകാരും രക്ഷിതാക്കളും പ്രതിഷേധവുമായെത്തി.