കൊണ്ടോട്ടി: കരിപ്പൂരില്‍ നിന്ന് മുന്നറിയിപ്പില്ലാതെ ആഭ്യന്തര-അന്താരാഷ്ട്ര സെക്ടറിലേക്കുള്ള വിമാനങ്ങളുടെ താളപ്പിഴ യാത്രക്കാരെ ദുരിതത്തിലാക്കുന്നു.നാലു ദിവസമായി താളം തെറ്റിയ സര്‍വിസുകള്‍ ഇന്നലെയും പുനക്രമീകരിക്കാനായിട്ടില്ല. കരിപ്പൂരില്‍ മൂന്ന് വിമാനങ്ങളാണ് ഇന്നലെ അനിശ്ചിതമായി വൈകിയത്. മുന്നറിയിപ്പില്ലാതെ വിമാനങ്ങള്‍ സമയം തെറ്റി എത്തുന്നത് മൂലം മണിക്കൂറുകള്‍ വിമാനത്താവള ടെര്‍മിനലില്‍ കുത്തിയിരിക്കേണ്ട അവസ്ഥയാണ് യാത്രക്കാര്‍ക്ക്.സ്ത്രീകളും കുട്ടികളുമാണ് ഇതുമൂലം ഏറെ പ്രയാസപ്പെടുന്നത്. ടെര്‍മിനലില്‍ നേരത്തെ എത്തുന്ന യാത്രക്കാര്‍ക്ക് വിമാനം വൈകിയ വിവരമാണ് ലഭിക്കുന്നത്. ഇതോടെ മണിക്കൂറുകള്‍ ബുദ്ധിമുട്ടുകയാണ്.