ഗള്‍ഫില്‍ നിന്നും വരുന്ന യാത്രക്കാരോട് വിമാനത്താവളങ്ങളിലെ കസ്റ്റംസ് ഉദ്യോഗസ്ഥര്‍ മോശമായി പെരുമാറുന്നു എന്ന പരാതി വ്യാപകമാണ്.അനധികൃതമായി രാജ്യത്തേക്ക് കടത്താന്‍ ശ്രമിച്ച സ്വര്‍ണ്ണം , കുങ്കുമപ്പൂവ് ,സിഗരറ്റ് തുടങ്ങിയ വസ്തുക്കളുമായി യാത്രക്കരനെ പിടികൂടി എന്ന വാര്‍ത്ത കേള്‍ക്കാത്ത ഒരു ദിവസവുമില്ല.ഇത്തരം കള്ളക്കടത്തുകള്‍ വ്യാപകമായി നടക്കുന്നത് കൊണ്ടാണ് എല്ലാ യാത്രക്കാരേയും സംശയത്തോടെ കസ്റ്റംസ് ഉദ്യോഗസ്ഥര്‍ സമീപിക്കുന്നത്.പിടിയിലാവുന്നവരില്‍ ഭൂരിഭാഗവും ഒരു വണ്‍വേ ടിക്കറ്റിനോ ചെറിയ തുകക്കോ വേണ്ടി കാരിയര്‍മാരാകുന്നവരാണ്. ഇതിന് നിയോഗിക്കപ്പെടുന്നവര്‍ ഒരിക്കലും കെണിയിലാവാറില്ല. ഇത്തരം സംഘങ്ങളെ തുറിച്ചും പിടിക്കപ്പെട്ടാലുണ്ടാകാവുന്ന നിയമ വശങ്ങളെ കുറിച്ചും എംബസികളും സംഘടനകളും ബോധവല്‍ക്കരണം നടത്തണം.