യുഎഇയുടെ 53ാമാത് ദേശീയ ദിനാഘോഷങ്ങളുടെ ഭാഗമായുള്ള ഔദ്യോഗിക പരിപാടികള്‍ (ഈദുല്‍ ഇത്തിഹാദ്) ഡിസംബര്‍ രണ്ടിന് അല്‍ഐനില്‍ നടക്കുമെന്ന് സംഘാടക സമിതി അറിയിച്ചു. ഈദുല്‍ ഇത്തിഹാദ് യുട്യൂബ് ചാനല്‍, വെബ്‌സൈറ്റ്, സിനിമ തീയറ്റര്‍, തിരഞ്ഞെടുത്ത പൊതുസ്ഥലങ്ങള്‍ എന്നിവിടങ്ങളില്‍ പരിപാടികള്‍ തത്സമയം സംപ്രേഷണം ചെയ്യും. സ്ഥലവിവര പട്ടിക പിന്നീട് പ്രഖ്യാപിക്കും.

യുഎഇയുടെ 53 വര്‍ഷത്തെ ചരിത്രവും സാംസ്‌കാരിക പൈതൃകവും നിറയുന്ന പരിപാടിയില്‍ ലോക ചരിത്രത്തില്‍ അല്‍ഐന്‍ പ്രാധാന്യവും അറിയാം. രാജ്യത്തിന്റെ വളര്‍ച്ചയും ഭാവിയിലേക്കുള്ള കുതിപ്പിന്റെ സൂചനകളും ആഘോഷത്തില്‍ ജനങ്ങളുമായി പങ്കുവയ്ക്കും. ആയിരക്കണക്കിന് വര്‍ഷങ്ങള്‍ പഴക്കമുള്ള ചരിത്രപ്രാധാന്യമുള്ള സ്ഥലമായതിനാലാണ് അല്‍ഐനെ രാജ്യത്തിന്റെ ആഘോഷത്തിന് തിരഞ്ഞെടുത്തതെന്ന് സംഘാടക സമിതി കമ്യൂണിക്കേഷന്‍സ് മേധാവി ആയിഷ അല്‍ നുഐമി വ്യക്തമാക്കി.

നൂറ്റാണ്ടുകളുടെ പാരമ്പര്യമുള്ള പ്രകൃതിയും പൈതൃകവും ഇഴചേര്‍ന്ന അല്‍ഐന്‍ ഗള്‍ഫിന്റെ പൂന്തോട്ടമായാണ് അറിയപ്പെടുന്നത്. അന്തരിച്ച യുഎഇ രാഷ്ട്രപിതാവ് ഷെയ്ഖ് സായിദ് ബിന്‍ സുല്‍ത്താന്‍ അല്‍ നഹ്യാന്‍ അല്‍ഐനില്‍ നിന്നാണ് ഔദ്യോഗിക ജീവിതം ആരംഭിച്ചതും ഭരണാധികാരിയിലേക്കുള്ള തുടക്കം കുറിച്ചതും. യുനെസ്‌കോയുടെ ലോക പൈതൃക കേന്ദ്രം കൂടിയാണ് അല്‍ഐന്‍. ദേശീയ ദിനാഘോഷ പരിപാടികളുടെ വിശദാംശങ്ങള്‍ ഋശറഅഹഋശേവമറ.മല  എന്ന വെബ്‌സൈറ്റിലും, ഇന്‍സ്റ്റഗ്രാം, ഫെയ്‌സ്ബുക്ക്, യൂട്യൂബ്, ടിക് ടോക്, എക്‌സ് തുടങ്ങി സമൂഹമാധ്യമ പേജുകളിലും ലഭിക്കും.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

The UAE National Day celebrations will take place in Al Ain on December 2nd, featuring various cultural events and activities.