മുംബൈ: പ്രശസ്ത ബോളിവുഡ് താരവും എഴുത്തുകാരനും സംവിധായകനുമായ ടോം ആള്‍ട്ടര്‍ (67) അന്തരിച്ചു. ഇന്നലെ രാത്രി സ്വവസതിയില്‍ വച്ചായിരുന്നു അന്ത്യം. നിരവധി ബോളിവുഡ് ചിത്രങ്ങളില്‍ അഭിനയിച്ച ടോം മാധ്യമപ്രവര്‍ത്തകന്‍ കൂടി ആയിരുന്നു. അമേരിക്കന്‍ വംശജനായ ഇന്ത്യക്കാരനാണ്. 2008ല്‍ രാജ്യം പത്മശ്രീ നല്‍കി ആദരിച്ചിട്ടുണ്ട്.

1950ല്‍ മസൂറിയിലായിരുന്നു ജനനം. പൂനെ ഫിലിം ഇന്‍സ്റ്റിറ്റ്യൂട്ടില്‍ നിന്നാണ് അഭിനയത്തില്‍ ബിരുദമെടുത്തത്. സച്ചിന്‍ ടെന്‍ഡുല്‍ക്കറുമായി ആദ്യ അഭിമുഖം നടത്തിയത് ഇദ്ദേഹമായിരുന്നു. മരണത്തില്‍ രാഷ്ട്രപതി രാം നാഥ് കോവിന്ദ് അനുശോചനം രേഖപ്പെടുത്തി.