ഗുവാഹത്തി: അസമില്‍ വീണ്ടും വെള്ളപ്പൊക്കം. അഞ്ചു ജില്ലകളിലായുണ്ടായ വെള്ളപ്പൊക്കം 78,000 ആളുകളെ ബാധിച്ചതായാണ് റിപ്പോര്‍ട്ട്. തുടര്‍ച്ചയായ വെള്ളപ്പൊക്കങ്ങളില്‍ നിന്ന് പൂര്‍വ്വ സ്ഥിതി പ്രാപിക്കുന്നതിനിടെയാണിത്. 16,000 മൃഗങ്ങളും വെള്ളപ്പൊക്കത്തില്‍ പെട്ടതായി അസം പ്രകൃതി ദുരന്ത നിവാരണ അതോറിറ്റി പറയുന്നു.

306 ഏക്കറോളം ഭൂമി വെള്ളത്തിനടിയിലായതാണ് വിവരം. സംസ്ഥാനത്തും അയല്‍ സംസ്ഥാനങ്ങളാ അരുണാചല്‍ പ്രദേശ് മേഘാലയ എന്നിവിടങ്ങളിലും പെയ്ത ശക്തമായ മഴയാണ് ദുരന്തത്തിനിടയാക്കിയത്. 18ഓളം ദുരിതാശ്വാസ ക്യാംപുകള്‍ തുറന്നിട്ടുണ്ട്.

കഴിഞ്ഞ മാസമുണ്ടായ വെള്ളപ്പൊക്കത്തില്‍ സംസ്ഥാനത്ത് 76 ആളുകള്‍ മരിച്ചിരുന്നു.