മക്ക: വിശുദ്ധ കഅ്ബയുടെ കിസ്‌വ താഴ്ത്തിക്കെട്ടി സാധാരണ നിലയിലാക്കി. ഹജ്ജ് സമയത്തുണ്ടാകുന്ന കടുത്ത തിരക്ക് കണക്കിലെത്തുന്നതാണ് ഹജ്ജിനു മുന്നോടിയായി കിസ്‌വ ഉയര്‍ത്തികെട്ടിയിരുന്നത്.

ഇപ്പോള്‍ ഹാജിമാരെല്ലാം മക്കയില്‍ നിന്നും ഒഴിവായത് കാരണം തിരക്കൊഴിഞ്ഞപ്പോഴാണ് ഉയര്‍ത്തികെട്ടിയിരുന്ന കിസ്‌വ താഴ്ത്തിയിട്ട് സാധാരണം നിലയിലാക്കിയത്.

ഹജ്ജിനു മുന്നോടിയായി ഏകദേശം മൂന്ന് മീറ്റര്‍ ഉയരത്തിലായിരുന്നു കിസ്‌വ ഉയര്‍ത്തികെട്ടിയിരുന്നത്. ഈ ഭാഗം വെളുത്ത ഏറ്റു കൊണ്ട് മറച്ചിരിക്കുകയായിരുന്നു. ദുല്‍ഹിജ്ജ ഒന്‍പതിന് പഴയ കിസ്‌വ മാറ്റി പുതിയത് ധരിപ്പിച്ചപ്പോഴും മൂന്ന് മീറ്റര്‍ ഉയരത്തില്‍ ഉയര്‍ത്തി കെട്ടിയിരുന്നു.