തിരുവനന്തപുരം: കഴിഞ്ഞ ജനുവരി 31 ന് നിലവില്‍ വന്ന ബീറ്റ് ഫോറസ്റ്റ് ഓഫിസര്‍ റാങ്ക് ലിസ്റ്റിന്റെ കാലാവധി നീട്ടണമെന്ന് സംസ്ഥാന മനുഷ്യാവകാശ കമ്മിഷന്‍.
ഇക്കാര്യത്തില്‍ ചീഫ് സെക്രട്ടറി ഇടപെടണമെന്നും പി.എസ്.സി സെക്രട്ടറിയും വനം സെക്രട്ടറിയും അടിയന്തര നടപടികള്‍ സ്വീകരിക്കണമെന്നും കമ്മിഷന്‍ ആക്റ്റിങ് അധ്യക്ഷന്‍ പി.മോഹനദാസ് ആവശ്യപ്പെട്ടു. സാധാരണ മൂന്ന് വര്‍ഷത്തെ കാലാവധിയാണ് പി.എസ്.സി ലിസ്റ്റുകള്‍ക്കുള്ളത്. എന്നാല്‍ ബീറ്റ് ഫോറസ്റ്റ് ഓഫിസര്‍ ലിസ്റ്റിന് ഒരു വര്‍ഷം കാലാവധി മാത്രമാണുള്ളത്. ലിസ്റ്റിലുള്ളവരില്‍ കൂടുതലും സ്ത്രീകളാണ്. സര്‍ക്കാര്‍ ഇക്കാര്യത്തില്‍ ഗൗരവമായി ഇടപെടണമെന്നും കമ്മിഷന്‍ ആവശ്യപ്പെട്ടു.