കോഴിക്കോട്: സുന്നി മഹല്ല് ഫെഡറേഷന്‍ സംസ്ഥാന കമ്മിറ്റി ആവിഷ്‌കരിച്ച് മഹല്ലുകളില്‍ നടപ്പിലാക്കുന്ന വിവിധ പദ്ധതികളുടെ പ്രായോഗികത പരിചയപ്പെടുത്തുന്ന ദൃശ്യാവിഷ്‌കാരമായ 'മഹല്ല് എക്‌സ്‌പോ' 2018 ഏപ്രിലില്‍ കാസര്‍കോട് ജില്ലയിലെ ചെറുവത്തൂര്‍ കൈതക്കാടുവച്ച് നടക്കും. തൃശൂര്‍ വാദി ഖുബായില്‍ ചേര്‍ന്ന എസ്.എം.എഫ് ദേശീയ പ്രതിനിധി സംഗമത്തിലാണ് ആശയത്തിന് രൂപം നല്‍കിയത്. ഇസ്‌ലാമിക മഹല്ല് സംവിധാനങ്ങള്‍ക്ക് പുതിയ ഊടും പാവും നല്‍കുകയാണ് എക്‌സ്ബിഷനും അതോടനുബന്ധിച്ച് നടക്കുന്ന പ്രവര്‍ത്തനങ്ങളും വഴി ലക്ഷ്യമാക്കുന്നത്.
എക്‌സ്‌പോയുടെ സ്വാഗതസംഘം സംഗമം നാളെ കാസര്‍കോട് കൈതക്കാട് തര്‍ബിയ്യയില്‍ വച്ച് ചേരും. എസ്.എം.എഫ് സംസ്ഥാന സെക്രട്ടറി ഉമര്‍ ഫൈസി മുക്കം, സയ്യിദ് പൂക്കോയ തങ്ങള്‍ ചന്തേരസ, ചെര്‍ക്കളം അബ്ദുല്ല, മെട്രോ മുഹമ്മദ് ഹാജി, ഡോ.ബഹാഉദ്ദീന്‍ മുഹമ്മദ് നദ്്‌വി, യു.ശാഫി ഹാജി, എ.കെ.ആലിപ്പറമ്പ്, എസ്.വി മുഹമ്മദലി, സി.ടി.അബ്ദുല്‍ ഖാദര്‍ എന്നിവര്‍ വിഷയാവതരണം നടത്തും. എസ്.എം.എഫ് സംസ്ഥാന ജില്ലാ ഭാരവാഹികള്‍, പ്രൊജക്ട് വിങ് അംഗങ്ങള്‍ എന്നിവര്‍ പങ്കെടുക്കും.