വാടാനപ്പള്ളി: ഏങ്ങണ്ടിയൂര്‍ തിരുമംഗലം ശ്രീമഹാവിഷ്ണു ശിവക്ഷേത്രത്തില്‍ ശ്രീമദ് ഭാഗവത സപ്താഹയജ്ഞത്തോടനുബന്ധിച്ചുള്ള സര്‍വൈശ്വര്യ പൂജ ഭക്തിസാന്ദ്രമായി.
മേല്‍ശാന്തി സജീവ് എമ്പ്രാന്തിരിയുടെ നേതൃത്വത്തില്‍ മഹാഗണപതി ഹോമം നടന്നു. യജ്ഞാചാര്യന്‍ മോഹനന്‍ കോന്തോത്തിന്റെ മുഖ്യകാര്‍മികത്വത്തിലാണ് സര്‍വൈശ്വര്യ പൂജ നടന്നത്. മേല്‍ശാന്തി സജീവ് എമ്പ്രാന്തിരിക്ക് പുറമേ കീഴ്ശാന്തിക്കാരായ ജയന്‍ എമ്പ്രാന്തിരി, വെങ്കിട്ടരമണന്‍ എമ്പ്രാന്തിരി എന്നിവരും ചടങ്ങിന് നേതൃത്വം നല്‍കി.