ന്യൂഡല്‍ഹി: ഇന്ത്യയില്‍ നടക്കുന്ന അണ്ടര്‍ 17 ലോകകപ്പിന്റെ ഏറ്റവും മികച്ച സവിശേഷത അടിസ്ഥാന സൗകര്യങ്ങളാണെന്ന് ടൂര്‍ണമെന്റ് ഡയറക്ടര്‍ ഹാവിയര്‍ സെപ്പി. ഇതുവരെയുള്ള ടൂര്‍ണമെന്റുകളില്‍ അടിസ്ഥാനസൗകര്യങ്ങളുടെ പോരായ്മകള്‍ ഫുട്‌ബോളിന്റെ വികസനത്തിന് തിരിച്ചടിയായിരുന്നു. ഇന്ത്യയില്‍ ആരാധകരുടെ ആവേശം രാജ്യത്ത് ഫുട്‌ബോള്‍ വിപ്ലവത്തിന് തുടക്കം കുറിച്ചിരിക്കുകയാണെന്ന് അദ്ദേഹം പറഞ്ഞു. ടൂര്‍ണമെന്റിന് ആതിഥേയത്വം വഹിക്കാന്‍ ഇന്ത്യ എല്ലാ രീതിയിലും സജ്ജമായതായി സെപ്പി കൂട്ടിച്ചേര്‍ത്തു.