മലപ്പുറം: സമസ്ത കേന്ദ്ര മുശാവറ അംഗവും മാതൃകാ മുദരിസ് അവാര്‍ഡ് ജേതാവുമായിരുന്ന പൊന്‍മള ഫരീദ് മുസ്‌ലിയാരുടെ ഒന്‍പതാമത് ഉറൂസ് മുബാറക് നവംബര്‍ 18ന് പൊന്‍മളയില്‍ വിപുലമായി നടത്താന്‍ മഊനത്തുല്‍ ഇഖ്‌വാന്‍ ഫെഡറേഷന്‍ സംസ്ഥാന സമിതി യോഗം തീരുമാനിച്ചു.
കൂട്ട സിയാറത്ത്, ഖത്മ്ദുആ, അനുസ്മരണ സമ്മേളനം, മൗലിദ്- ദിക്‌റ് മജ്‌ലിസ്, അന്നദാനം തുടങ്ങി വിവിധ പരിപാടികളോടെ നടത്തുന്ന ഉറൂസ് മുബാറകില്‍ പാണക്കാട് സാദാത്തീങ്ങള്‍, സമസ്ത പ്രസിഡന്റ് ജിഫ്‌രി മുത്തുക്കോയ തങ്ങള്‍, മുഹമ്മദ് കോയ തങ്ങള്‍ ജമലുല്ലൈലി, വാവാട് കുഞ്ഞിക്കോയ മുസ്‌ലിയാര്‍ തുടങ്ങി സമസ്തയുടെയും പോഷക ഘടകങ്ങളുടെയും നേതാക്കള്‍ പങ്കെടുക്കും.
പരിപാടിയുടെ വിജയത്തിനായി ഇസ്മാഈല്‍ മുസ്‌ലിയാര്‍ ചെയര്‍മാനും ടി.എ ഹുസൈന്‍ ബാഖവി കണ്‍വീനറും മുഹമ്മദലി ബാഖവി ഓമശ്ശേരി ട്രഷററുമായ സംഘാടക സമിതിക്ക് രൂപം നല്‍കി.