വാഷിങ്ടണ്‍: അമേരിക്കന്‍ റോക്ക് ഇതിഹാസം ടോം പെറ്റി അന്തരിച്ചു. 66 വയസായിരുന്നു. ഹൃദയാഘാതത്തെ തുടര്‍ന്ന് തിങ്കളാഴ്ച മുതല്‍ ബോധരഹിതനായിരുന്ന അദ്ദേഹം ഇന്നലെ വൈകിട്ടാണു മരണത്തിനു കീഴടങ്ങിയത്.
അമേരിക്കന്‍ ഗേള്‍, ബ്രെയ്ക്ക് ഡൗണ്‍, ഫ്രീ ഫാളിങ്, റെഫ്യൂജി, ലേണിങ് ടു ഫ്‌ളൈ തുടങ്ങിയ ആല്‍ബങ്ങളിലൂടെയാണ് ടോം ലോകവ്യാപകമായി ആരാധകവൃന്ദത്തെ കൈയിലെടുത്തത്. അമേരിക്കയിലെ ജനപ്രിയ റോക്ക് സംഗീത ബാന്‍ഡായ ടോം പെറ്റി ആന്‍ഡ് ദ ഹാര്‍ട്ട്‌ബ്രെയ്‌ക്കേഴ്‌സിന്റെ മുഖ്യ ഗായകനായിരുന്നു. 1950 ഒക്ടോബര്‍ 20ന് ഫ്‌ളോറിഡയിലെ ഗെയിന്‍സ്‌വില്ലെയിലാണ് ജനനം. ദാരിദ്ര്യം നിറഞ്ഞ ചെറുപ്പമായിരുന്നു അദ്ദേഹത്തിന്റേത്. 1961ല്‍ അമേരിക്കന്‍ ഗായകന്‍ എല്‍വിസ് പ്രിസ്‌ലിയെ കണ്ടുമുട്ടിയതാണു ജീവിതത്തില്‍ വഴിത്തിരിവായത്.