പഠിച്ചോണ്ടിരിക്കുന്ന മക്കളെ കൂട്ടുകാര്‍ കളിക്കാന്‍ വിളിക്കാന്‍ എങ്ങിനെയാവും നമ്മുടെ പ്രതികരണം. അവരപ്പോള്‍ നമുക്ക് വില്ലന്‍മാരാണ്. ഒന്നു കണ്ണുരുട്ടാതിരിക്കില്ല നമ്മള്‍. എന്നാല്‍ അതൊരു പൂച്ചക്കുട്ടിയായാലോ...

അത്തരത്തിലൊരു വില്ലനിപ്പോള്‍ സോഷ്യല്‍ മീഡിയയില്‍ താരമായിരിക്കുയാണ്. പഠിക്കുന്ന കുട്ടിയെ തന്നാലാവും വിധം പിന്‍തിരിപ്പിക്കാന്‍ ശ്രമിക്കുന്ന വളര്‍ത്തുപൂച്ചയാണ് ആ താരം. രണ്ടു മിനിറ്റില്‍ താഴെ മാത്രം ദൈര്‍ഘ്യമുള്ള വീഡിയോ ചൈനയിലെ പീപ്പിള്‍സ് ഡയറിയാണ് പങ്കുവച്ചത്.

ചങ്ങാതീനെ ഒപ്പം കളിക്കാന്‍ കൂട്ടാന്‍ പതിനെട്ടടവും പുറത്തെടുക്കുന്നുണ്ട് നമ്മുടെ മാര്‍ജ്ജാര വീരന്‍. ഒടുവില്‍ മൂപ്പര്‍ തോറ്റ പിന്‍മാറി കൂട്ടുകാരന്റെ അടുത്ത് കിടക്കുകയും ചെയ്യുന്നു.