തിരുവനന്തപുരം: ഞങ്ങള്‍ക്കും പറയാനുണ്ട് എന്ന പ്രമേയത്തില്‍ പോപുലര്‍ഫ്രണ്ട് സമ്മേളനം നാളെ തിരുവനന്തപുരത്ത് നടക്കുമെന്ന് സംസ്ഥാന ജനറല്‍ സെക്രട്ടറി സി.പി മുഹമ്മദ് ബശീര്‍ വാര്‍ത്താ സമ്മേളനത്തില്‍ അറിയിച്ചു. വൈകിട്ട് മൂന്നിന് മ്യൂസിയം ജങ്ഷനില്‍ നിന്നാരംഭിക്കുന്ന ബഹുജനറാലിയില്‍ പതിനായിരങ്ങള്‍ അണിനിരക്കും. തുടര്‍ന്ന് വൈകിട്ട് അഞ്ചിന് പുത്തരിക്കണ്ടം മൈതാനിയില്‍ ചേരുന്ന സമ്മേളനം ചെയര്‍മാന്‍ ഇ. അബൂബക്കര്‍ ഉദ്ഘാടനം ചെയ്യും. സംസ്ഥാന പ്രസിഡന്റ് നാസറുദ്ദീന്‍ എളമരം അധ്യക്ഷനാകും. ആള്‍ ഇന്ത്യ മുസ്‌ലിം പേഴ്‌സണല്‍ ലോബോര്‍ഡ് വക്താവ് മൗലാനാ സജ്ജാദ് നുഅ്മാനി, റിട്ട. ജസ്റ്റിസ് കൊല്‍സെ പാട്ടീല്‍ (പൂനെ) വിശിഷ്ടാഥികളായിരിക്കും. എം.എല്‍.എമാരായ കെ. മുരളീധരന്‍, പി.സി. ജോര്‍ജ്, മുന്‍മന്ത്രി എ നീലലോഹിതദാസന്‍ നാടാര്‍, ഭാസുരേന്ദ്ര ബാബു(മാധ്യമ നിരീക്ഷകന്‍), എന്‍.പി ചെക്കുട്ടി (തേജസ്), എ വാസു (മനുഷ്യാവകാശ പ്രവര്‍ത്തകന്‍), അഡ്വ. ജയിംസ് ഫെര്‍ണാണ്ടസ് (ലത്തിന്‍ കത്തോലിക്ക ഐക്യവേദി), മൗലാന ഈസ ഫാളില്‍ മമ്പഈ (ആള്‍ ഇന്ത്യാ ഇമാംസ് കൗണ്‍സില്‍), വിളയോടി ശിവന്‍കുട്ടി (എന്‍.സി.എച്ച്.ആര്‍.ഒ), എം.കെ മനോജ്കുമാര്‍ (എസ്.ഡി.പി.ഐ), എ.എസ് സൈനബ (നാഷനല്‍ വിമന്‍സ് ഫ്രണ്ട്), കെ.എ മുഹമ്മദ് ഷമീര്‍ (കാംപസ് ഫ്രണ്ട് ഓഫ് ഇന്ത്യ), ഗോപാല്‍ മേനോന്‍ (ഡോക്യുമെന്ററി സംവിധായകന്‍), വര്‍ക്കല രാജ് (പി.ഡി.പി), കായിക്കര ബാബു (മുസ്്‌ലിം കോ ഓഡിനേഷന്‍ കമ്മിറ്റി), പ്രൊഫ അബ്ദുല്‍ റശീദ്(മെക്ക), സി.പി മുഹമ്മദ് ബശീര്‍, കരമന അശ്‌റഫ് മൗലവി, കെ.എച്ച് നാസര്‍, എം.കെ അശ്‌റഫ്, എ അബ്ദുസത്താര്‍, പി.കെ അബ്ദുല്‍ലത്തീഫ് തുടങ്ങിയവര്‍ പങ്കെടുക്കും.
വാര്‍ത്താസമ്മേളനത്തില്‍ പ്രോഗ്രാം ജനറല്‍കണ്‍വീനര്‍ എ അബ്ദുസത്താര്‍, കണ്‍വീനര്‍ കെ.കെ ഹുസൈന്‍ എന്നിവര്‍ പങ്കെടുത്തു.