കൊച്ചി: കൊച്ചിയിലെ വിവാദമായ തൃപ്പൂണിത്തുറ കണ്ടനാട് ശിവശക്തി യോഗാകേന്ദ്രത്തിനെതിരേ നാട്ടുകാരുടെയും പരാതി.

യോഗ കേന്ദ്രത്തിന്റെ പ്രവര്‍ത്തനം ദുരൂഹത നിറഞ്ഞതായിരുന്നുവെന്നും ഇവിടെ നിന്ന് പെണ്‍കുട്ടികളുടെ കരച്ചില്‍ കേള്‍ക്കാറുണ്ടായിരുന്നുവെന്നുമാണ് നാട്ടുകാര്‍ പറയുന്നത്.

യോഗ കേന്ദ്രത്തിനകത്ത് ഇത്രയധികം പെണ്‍കുട്ടികള്‍ താമസിക്കുന്നതായി മാധ്യമങ്ങളില്‍ വാര്‍ത്ത വന്നപ്പോഴാണ് തങ്ങള്‍ അറിയുന്നത്. പെണ്‍കുട്ടികളുടെ കരച്ചില്‍ പുറത്തുകേള്‍ക്കാതിരിക്കാന്‍ ഉച്ചത്തില്‍ പാട്ട് വെക്കാറുണ്ടെന്നും നാട്ടുകാര്‍ പറയുന്നു. ആഢംബര കാറുകള്‍ രാത്രിയില്‍ വന്നു പോകാറുണ്ടെന്നും ഇവര്‍ കൂട്ടിച്ചേര്‍ത്തു.