തിരുവനന്തപുരം: രാഷ്ട്രപതി രാം നാഥ് കോവിന്ദിന് നല്‍കിയ സ്വീകരണത്തില്‍ പ്രോട്ടോക്കോള്‍ ലംഘനമെന്ന് പ്രതിപക്ഷ നേതാവ് രമേശ് ചെന്നിത്തല. പൊലിസ് ഉദ്യോഗസ്ഥര്‍ക്കും ശേഷമാണ് പ്രതിപക്ഷ നേതാവിന് ഇടം നല്‍കിയതെന്ന് അദ്ദേഹം ആരോപിച്ചു. രാഷ്ട്രപതിക്ക് പരാതി നല്‍കുമെന്നും അദ്ദേഹം അറിയിച്ചു.

ഇന്ന് രാവിലെയാണ് രാഷ്ട്രപതി കേരളത്തിലെത്തിയത്. മാതാ അമൃതാനന്ദമയിയുടെ അറുപത്തിനാലാം ജന്മദിനാഘോഷങ്ങളുടെ ഭാഗമായി നടപ്പാക്കുന്ന വിവിധ സേവന പദ്ധതികളുടെ ഉദ്ഘാടനത്തിനാണ് അദ്ദേഹം ഇവിടെ എത്തിയത്. അദ്ദേഹത്തിന്റെ ആദ്യ കേരള സന്ദര്‍ശനമാണിത്.