മലപ്പുറം: തെരഞ്ഞെടുപ്പു പ്രചരണം അവസാനഘട്ടത്തിലേക്ക് കടക്കവെ ആവേശമായി മുന്‍ മുഖ്യമന്ത്രിമാരായ വി.എസ് അച്യുതാനന്ദനും ഉമ്മന്‍ ചാണ്ടിയും ഇന്ന് വേങ്ങരയിലെത്തും.

ഇന്ന് വൈകുന്നേരം നടക്കുന്ന എല്‍.ഡി.എഫ് പഞ്ചായത്ത് റാലിയില്‍ പങ്കെടുക്കാനാണ് വി.എസ് എത്തുന്നത്. യു.ഡി.എഫ് പ്രചരണത്തിനായി എത്തുന്ന ഉമ്മന്‍ ചാണ്ടിയോടൊപ്പം കെ.പി.സി.സി പ്രസിഡന്റ് എം.എം ഹസ്സനും ഉണ്ടാവും.

ബി.ജെ.പിയുടെ പ്രചരണത്തിനായി മഹാരാഷ്ട്ര മുഖ്യമന്ത്രി ദേവേന്ദ്ര ഫട്‌നാവിസും ഇന്ന് വേങ്ങരയിലെത്തുന്നുണ്ട്.

പരസ്യപ്രചാരണം നാളെയാണ് അവസാനിക്കുന്നത്.