നന്തിബസാര്‍: സ്‌കൂള്‍ പാര്‍ലമെന്റ് തെരഞ്ഞെടുപ്പില്‍ സി.കെ.ജി ഹയര്‍ സെക്കന്‍ഡറിയിലും കടലൂര്‍ ഗവ. സ്‌കൂളിലും എം.എസ്.എഫിനു മികച്ച വിജയം.
സി.കെ.ജിയില്‍ പത്ത് സീറ്റില്‍ ഒന്‍പതും എം.എസ്.എഫ് നേടി. ജനാസ് നന്തിയെ ചെയര്‍മാനായി തെരഞ്ഞെടുത്തു. കടലൂര്‍ ഗവ. സ്‌കൂളില്‍ ആകെയുള്ള അഞ്ച് സീറ്റും നേടി തുഫൈല്‍ ഖാലിദിനെ ലീഡറായി തെരഞ്ഞെടുത്തു.
വിജയത്തില്‍ ആഹ്ലാദം പ്രകടിപ്പിച്ച് മൂടാടി പഞ്ചായത്ത് എം.എസ്.എഫ് കമ്മിറ്റി സംഘടിപ്പിച്ച പ്രകടനത്തിന് പി.കെ മുഹമ്മദലി, ജാമില്‍ മുചുകുന്ന്, പി. അര്‍ശാദ്, നുഅ്മാന്‍ വീരാഞ്ചേരി, അനസ് പുതിക്കോടി, എം. മിസ്ഹബ് നേതൃത്വം നല്‍കി.