കൊച്ചി: പെരുമ്പാവൂര്‍ വേങ്ങൂരില്‍ സ്‌കൂള്‍ ബസ് മറിഞ്ഞ് ഒരാള്‍ മരിച്ചു. സ്‌കൂളിലെ ആയയാണ് മരിച്ചത്.

18 പേര്‍ക്ക് പരിക്കേറ്റു. പരുക്കേറ്റവരില്‍ 15 വിദ്യാര്‍ഥികളും ഉള്‍പെടുന്നു.

പെരുമ്പാവൂരിനടുത്ത് സാന്തോം സ്‌കൂളിന്റെ ബസ് ആണ് അപകടത്തില്‍ പെട്ടത്. ബസ് നിയന്ത്രണം വിട്ട് മറിയുകയായിരുന്നു എന്നാണ് പ്രാഥമിക വിവരം.

പരുക്കേറ്റ കുട്ടികളെ പെരുമ്പാവൂര്‍ സാന്‍ജോ ആശുപത്രിയില്‍ പ്രവേശിപ്പിച്ചു. ആരുടെയും പരിക്ക് ഗുരുതരമല്ല. രണ്ട് അധ്യാപകരെ ആലുവയിലുള്ള ആശുപത്രിയിലേക്ക് മാറ്റിയിട്ടുണ്ട്.