ന്യൂഡല്‍ഹി: ബി.ജെ.പി ഉയര്‍ത്തിയ ശക്തമായ വിമര്‍ശനങ്ങളാണ് തന്റെ കണ്ണു തുറപ്പിച്ചതെന്ന് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി. കഴിഞ്ഞ ദിവസം ഗുജറാത്തില്‍ നടത്തിയ പ്രസംഗത്തിനിടെയാണ് രാഹുലിന്റെ പരാമര്‍ശം.

'ബി.ജെ.പി എന്നെ ഒരുപാട് സഹായിച്ചിട്ടുണ്ട്. അവരുടെ തുടര്‍ച്ചയായ വിമര്‍ശനങ്ങളാണ് എന്റെ കണ്ണു തുറപ്പിത്.  2014 തെരഞ്ഞടുപ്പിലെ പരാജയം കോണ്‍ഗ്രസിന് ഏറെ സഹായകരമാവുകയാണുണ്ടായത്'- രാഹുല്‍ പറഞ്ഞു.

ജനങ്ങളുമായുള്ള ബന്ധം നഷ്ടമായതാണ് കോണ്‍ഗ്രസിന്റെ പരാജയത്തിന് കാരണണമെന്ന് കഴിഞ്ഞ മാസം വിദേശത്ത് നടന്ന ഒരു സംവാദത്തില്‍ രാഹുല്‍ പറഞ്ഞിരുന്നു.

 എന്നാല്‍ ഇന്നത്തെ ബി.ജെ.പിസര്‍ക്കാറിനേക്കാള്‍ എത്രയോ മെച്ചമായിരുന്നു കോണ്‍ഗ്രസ് എന്ന് അദ്ദേഹം വ്യക്തമാക്കി. ഒരു ദിവസം മുപ്പതിനായിരം ആളുകളാണ് തൊഴില്‍ വിദ്ഗ്ദരായി ഇന്ത്യില്‍ പുറത്തിറങ്ങുന്നത്. എന്നാല്‍ വെറും 450 പേര്‍ക്ക് മാത്രമാണ് ജോലി ലഭിക്കുന്നതെന്നും അദ്ദേഹം ചൂണ്ടിക്കാട്ടി. അതേ സമയം, ഒരു ദിവസം 50,000പേര്‍ക്ക് ജോലി നല്‍കാന്‍ ചൈനക്ക് കഴിയുന്നുണ്‍െന്നും അദ്ദേഹം വ്യക്തമാക്കി.