ബെര്‍ലിന്‍: വിമാനങ്ങളുടെ പലതരം ലാന്റിങ് നാം കണ്ടിട്ടുണ്ട്. ലോകത്തെ പ്രമുഖ വിമാനകമ്പനിയായ എമിറേറ്റ്‌സിന്റെ അങ്കലാപ്പിലായ ലാന്റിങിന്റെ വീഡിയോ ദൃശ്യങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്.

ലോകത്തെ ഏറ്റവും വലിയ യാത്രാ വിമാനമായ എമിറേറ്റ്‌സ് എയര്‍ ബസ് A380 ആണ് ജര്‍മനിയിലെ ഡസല്‍ഡോര്‍ഫില്‍ ലാന്റ് ചെയ്യുന്നതിനിടെ തെന്നിമാറിയത്. അതിശക്തമായ കാറ്റു മൂലമാണ് വിമാനത്തിന് ചാഞ്ചാട്ടം വന്നത്. ഇതോടെ ലാന്റിങ്ങിനായി റണ്‍വേയിലേക്ക് പറന്നിറങ്ങിയ വിമാനം ചാഞ്ചാടിക്കൊണ്ട് നീങ്ങുന്ന കാഴ്ചയാണ് കണ്ടത്.

പൈലറ്റിന്റെ ധീരത കൊണ്ടാണ് ഡബിള്‍ ഡെക്കര്‍ എയര്‍ബസിലെ യാത്രക്കാരെയും ജീവനക്കാരെയും പരുക്കേല്‍പ്പിക്കാതെ സുരക്ഷിതമായി നിലത്തിറക്കാന്‍ സാധിച്ചത്. 600ലധികം യാത്രക്കാരാണ് വിമാനത്തിലുണ്ടായിരുന്നത്.

റണ്‍വേയിലൂടെ നിയന്ത്രണം തെറ്റി മുന്നോട്ട് കുതിക്കുന്ന എയര്‍ബസിനെ പൈലറ്റ് ഏറെ പണിപെട്ട് തന്റെ നിയന്ത്രണത്തിലാക്കുകയായിരുന്നു. പൈാലറ്റിന്റെ അത്ഭുതമായ കഴിവ് കണ്ടോളൂ എന്നു പറഞ്ഞാണ് വീഡിയോ യൂടൂബില്‍ പോസ്റ്റ് ചെയ്തത്. ഒന്‍പത് മില്യണ്‍ ആളുകളാണ് ഇതിനോടകം വീഡിയോ കണ്ടത്.