എരുമേലി: ആനക്കൊമ്പുകള്‍ വില്‍ക്കാന്‍ ശ്രമിക്കുന്നതിനിടെ ഒരാള്‍ വനപാലകരുടെ പിടിയില്‍. മുക്കൂട്ടുതറ ഇടകടത്തി കുറ്റിയില്‍ വീട്ടില്‍ മഹേഷാണ് പിടിയിലായത്. ഇയാളില്‍ നിന്നും രണ്ട് ആനക്കൊമ്പുകളും തോക്ക്, വടിവാള്‍, എന്നിവയും പിടിച്ചെടുത്തു. ചൊവ്വാഴ്ച രാത്രിയോടെ എരുമേലി വലിയമ്പലത്തിന് സമീപമുളള ദേവസ്വം പാര്‍ക്കിങ് മൈതാനത്തില്‍ നിന്നുമാണ് ഇയാളെ പിടികൂടിയത്. ഇയാളുടെ കൂട്ടാളി രാജന്‍ എന്നയാള്‍ വനപാലകര്‍ക്ക് നേരെ കത്തിവീശിയ ശേഷം കടന്നുകളഞ്ഞു. ഇവര്‍ക്കൊപ്പം രണ്ടുപേര്‍ കൂടി ഉണ്ടായിരുന്നതായി വനപാലകര്‍ പറഞ്ഞു.