ന്യൂഡല്‍ഹി: പുനെ ഫിലിം ഇന്‍സ്റ്റിറ്റ്യൂട്ട് ചെയര്‍മാനായി അനുപം ഖേറിനെ നിമിച്ചു. ഗജേന്ദ്ര ചൗഹാന്റെ കാലാവധി മാര്‍ച്ചില്‍ അവസാനിച്ചതിനെ തുടര്‍ന്നാണ് പുതിയ നിയമനം. ബോളിവുഡ് താരമായ അനുപം ഖേര്‍ നേരത്തെ കേന്ദ്ര സെന്‍സര്‍ ബോര്‍ഡ് ചെയര്‍മാന്‍, സ്‌കൂള്‍ ഒഫ് ഡ്രാമാ ചെയര്‍മാന്‍ എന്നീ സ്ഥാനങ്ങള്‍ വഹിച്ചിരുന്നു.
ഗജേന്ദ്ര ചൗഹാനെ ഫിലിം ഇന്‍സ്റ്റിറ്റ്യൂട്ട് ചെയര്‍മാനാക്കിയ നടപടി ചോദ്യം ചെയ്ത് വിദ്യാര്‍ഥികള്‍ ശക്തമായ പ്രതിഷേധമാണ് ഉയര്‍ത്തിയിരുന്നത്. പ്രതിഷേധം 139 ദിവസം നീണ്ടുനിന്നിരുന്നു. വിദ്യാര്‍ഥിയായി എഫ്.ടി.ഐ.ഐയിലെത്തിയ തന്നെ നടനാക്കി മാറ്റിയ സ്ഥാപനത്തിന്റെ മേധാവിയായി നിയമിക്കപ്പെട്ടതില്‍ സന്തോഷമുണ്ടെന്ന് അനുപംഖേര്‍ പ്രതികരിച്ചു.