കല്‍പ്പറ്റ: കെല്‍ട്രോണ്‍ പ്രീ പ്രൈമറി ടി.ടി.സി കല്‍പ്പറ്റ, മാനന്തവാടി സെന്ററുകളിലെ ഈ അധ്യയന വര്‍ഷത്തെ പ്രീ പ്രൈമറി, മോണ്ടിസോറി ക്ലാസുകളുടെ ഉദ്ഘാടനം കല്‍പ്പറ്റ നഗരസഭാധ്യക്ഷ ബിന്ദു ജോസ് മാസ്‌റ്റേഴ്‌സ് അക്കാദമിയില്‍ നിര്‍വഹിച്ചു.
കേരള സര്‍ക്കാര്‍ സ്ഥാപനമായ കെല്‍ട്രോണ്‍ സര്‍ട്ടിഫിക്കറ്റ് നല്‍കുന്ന ഇത്തരം കോഴ്‌സുകള്‍ സമൂഹത്തില്‍ വനിതകളുടെ തൊഴിലവസരം വര്‍ധിപ്പിക്കുന്നുണ്ടെന്ന് അവര്‍ പറഞ്ഞു. ക്ഷേമകാര്യ സ്റ്റാന്റിങ് കമ്മിറ്റി ചെയര്‍മാന്‍ പി.പി ആലി അധ്യക്ഷനായി. അക്കാദമി ചെയര്‍മാന്‍ ഷഹീദ് മാസ്റ്റര്‍ സ്വാഗതം പറഞ്ഞു. സനിത ജഗദീഷ്, സി.പി റഹീസ്, കുഞ്ഞിക്കണ്ണന്‍ മാസ്റ്റര്‍ സംസാരിച്ചു.