നെടുമ്പാശ്ശേരി: ജിദ്ദയിലേക്ക് പോകാന്‍ നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ നിന്ന് പറന്നുയര്‍ന്ന എയര്‍ ഇന്ത്യ വിമാനം സാങ്കേതിക തകരാറിനെ തുടര്‍ന്ന് ഒന്നര മണിക്കൂര്‍ കഴിഞ്ഞ് തിരിച്ചിറക്കി. ഇന്നലെ വൈകിട്ട് ആറോടെ ടേക്ക് ഓഫ് ചെയ്ത എയര്‍ ഇന്ത്യ വിമാനം രാത്രി ഏഴരയോടെയാണ് തിരിച്ചിറക്കിയത്. ക്യാബിനിലെ വായു സമ്മര്‍ദ്ദം ക്രമീകരിക്കുന്നതിനുള്ള സംവിധാനത്തില്‍ തകരാര്‍ കണ്ടെത്തിയതിനെ തുടര്‍ന്നാണ് തിരിച്ചിറക്കിയത്. 398 യാത്രക്കാരാണ് വിമാനത്തില്‍ ഉണ്ടായിരുന്നത്. തകരാര്‍ പരിഹരിക്കാന്‍ കൂടുതല്‍ സമയം വേണ്ടിവരുമെന്നതിനാല്‍ ഈ സര്‍വിസ് റദ്ദാക്കി. യാത്രക്കാരെ ഹോട്ടലുകളിലേക്ക് മാറ്റിയിട്ടുണ്ട്. തകരാര്‍ പരിഹരിച്ച ശേഷം ഇന്ന് വിമാനം പുറപ്പെടുമെന്ന് എയര്‍ ഇന്ത്യ അറിയിച്ചു.