കൊച്ചി: സോളാര്‍ കമ്മിഷന്‍ റിപ്പോര്‍ട്ടുമായി ബന്ധപ്പെട്ട കേസിനെ നിയമപരമായി നേരിടുമെന്ന് മുന്‍ മുഖ്യമന്ത്രി ഉമ്മന്‍ ചാണ്ടി. സോളാര്‍ കേസിലെ നിയമനടപടികള്‍ സംബന്ധിച്ച് നിയമോപദേശം തേടിയശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. കമ്മിഷന്‍ റിപ്പോര്‍ട്ട് ലഭിക്കാന്‍ വിവരാവകാശ നിയമപ്രകാരം അപേക്ഷ നല്‍കിയിട്ടുണ്ട്.
വിവരാവകാശ നിയമപ്രകാരം റിപ്പോര്‍ട്ടിന്റെ പകര്‍പ്പ് കിട്ടിയില്ലെങ്കില്‍ മുഖ്യമന്ത്രിക്ക് നേരിട്ട് കത്തുനല്‍കും. കമ്മിഷന്‍ റിപ്പോര്‍ട്ട് പുറത്തുവിടാത്തതിനുപിന്നില്‍ ദുരൂഹതയുണ്ടെന്ന് സംശയിച്ചാല്‍ തെറ്റില്ല. കമ്മിഷന്‍ റിപ്പോര്‍ട്ടിന്റെ ഒരുഭാഗം മാത്രം പുറത്തുവിട്ടത് നീതിനിഷേധമാണ്.
കമ്മിഷന്റെ ടേംസ് ഓഫ് റഫറന്‍സില്‍ പറഞ്ഞിരിക്കുന്നതെന്താണെന്ന് ഇത്രയുംകാര്യം പറഞ്ഞിട്ടും മുഖ്യമന്ത്രി വ്യക്തമാക്കിയിട്ടില്ല. പലതും മറച്ചുവയ്ക്കുകയാണെന്നും ഉമ്മന്‍ചാണ്ടി പറഞ്ഞു.