മലപ്പുറം: പ്രമുഖ പണ്ഡിതനും സൂഫീവര്യനുമായിരുന്ന തൃപ്പനച്ചി മുഹമ്മദ് മുസ്‌ലിയാരുടെ ആറാം ഉറൂസ് മുബാറക് 17 മുതല്‍ 22 വരെ തൃപ്പനച്ചി മഖാമില്‍ നടക്കുമെന്ന് സംഘാടകസമിതി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
17ന് വൈകിട്ട് അഞ്ചിന് നടക്കുന്ന പ്രാരംഭ പ്രാര്‍ഥനക്കും സിയാറത്തിനും സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ നേതൃത്വം നല്‍കും. തുടര്‍ന്ന് വഖ്ഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റശീദലി ശിഹാബ് തങ്ങള്‍ ഉദ്ഘാടനം നിര്‍വഹിക്കും. അത്തിപ്പറ്റ മൊയ്തീന്‍ കുട്ടി മുസ്‌ലിയാര്‍ പ്രാര്‍ഥന നടത്തും. എട്ടിന് നടക്കുന്ന മതപ്രഭാഷണം സയ്യിദ് സാബിഖലി ശിഹാബ് തങ്ങള്‍ ഉദ്ഘാടനം ചെയ്യും. മുഹമ്മദ് സ്വാലിഹ് ഹുദവി തൂത പ്രസംഗിക്കും.
18ന് ഉച്ചയ്ക്ക് രണ്ടിന് നടക്കുന്ന അധ്യാപക, രക്ഷാകര്‍തൃ സംഗമം സയ്യിദ് മുഈനലി ശിഹാബ് തങ്ങള്‍ ഉദ്ഘാടനം ചെയ്യും. വൈകിട്ട് ഏഴിന് നടക്കുന്ന മതപ്രഭാഷണ പരിപാടിയില്‍ സയ്യിദ് ഹമീദലി ശിഹാബ് തങ്ങള്‍, എം.ടി അബ്ദുല്ല മുസ്‌ലിയാര്‍, ഹാഫിള് അഹ്മദ് കബീര്‍ ബാഖവി പങ്കെടുക്കും.19ന് രാവിലെ ഒന്‍പതിന് നടക്കുന്ന ഖുര്‍ആന്‍ പഠന ക്ലാസില്‍ സയ്യിദ് ബശീറലി ശിഹാബ് തങ്ങള്‍, സയ്യിദ് നാസര്‍ അബ്ദുല്‍ ഹയ്യ് ശിഹാബ് തങ്ങള്‍, ഷാജഹാന്‍ റഹ്മാനി പങ്കെടുക്കും. രാത്രി നടക്കുന്ന സ്വലാത്ത് മജ്‌ലിസിന് സയ്യിദ് അബ്ബാസലി ശിഹാബ് തങ്ങള്‍, സയ്യിദ് ബാപ്പു തങ്ങള്‍ കുന്നുംപുറം, വാവാട് കുഞ്ഞിക്കോയ മുസ്‌ലിയാര്‍ നേതൃത്വം നല്‍കും. ജലാലിയ്യ റാത്തീബിന് ശൈഖ് ഇബ്‌റാഹീം അല്‍ ഖലീല്‍ നാഗൂര്‍ ശരീഫ് നേതൃത്വം നല്‍കും.
20ന് വൈകിട്ട് ഏഴിന് മജ്‌ലിസുന്നൂര്‍ നടക്കും. മജ്‌ലിസുന്നൂറിന് അമീര്‍ സയ്യിദ് മുഹമ്മദ് കോയ തങ്ങള്‍ ജമലുല്ലൈലി, ഹസന്‍ സഖാഫി പൂക്കോട്ടൂര്‍, ഒളവണ്ണ അബൂബക്കര്‍ ദാരിമി നേതൃത്വം നല്‍കും. തുടര്‍ന്ന് നടക്കുന്ന മതപ്രഭാഷണ പരിപാടിയില്‍ സയ്യിദ് സ്വാദിഖലി ശിഹാബ് തങ്ങള്‍, ഹാഫിള് സിറാജുദ്ദീന്‍ ഖാസിമി പങ്കെടുക്കും. 21ന് വൈകിട്ട് നടക്കുന്ന പ്രഭാഷണ പരിപാടിയില്‍ സയ്യിദ് മുനവ്വറലി ശിഹാബ് തങ്ങള്‍, ഡോ. ബഹാഉദ്ദീന്‍ മുഹമ്മദ് നദ്‌വി, ശമീര്‍ ദാരിമി കൊല്ലം പങ്കെടുക്കും.
22ന് രാവിലെ നടക്കുന്ന ഉറൂസ് സമാപന സംഗമം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ അധ്യക്ഷനാകും. ഖത്തം ദുആക്ക് സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ നേതൃത്വം നല്‍കും. പി.കെ കുഞ്ഞാലിക്കുട്ടി എം.പി, അബ്ദുസമദ് പൂക്കോട്ടൂര്‍, ആര്‍.വി കുട്ടി ഹസന്‍ ദാരിമി, അബ്ദുസ്സലാം ബാഖവി ഒഴുകൂര്‍ സംസാരിക്കും.
തൃപ്പനച്ചി മഖാമിനു കീഴില്‍ അരിമ്പ്രയില്‍ പ്രവര്‍ത്തിക്കുന്ന ഹിഫ്‌ളുല്‍ ഖുര്‍ആന്‍ കോളജില്‍ നിന്ന് ഖുര്‍ആന്‍ മനഃപാഠമാക്കിയ വിദ്യാര്‍ഥിക്കുള്ള സനദ്ദാനം ചടങ്ങില്‍ വച്ച് നടക്കും. തുടര്‍ന്ന് രാവിലെ 10.30 മുതല്‍ ഒരു ലക്ഷം പേര്‍ക്ക് നല്‍കുന്ന അന്നദാനത്തോടെ ഉറൂസ് സമാപിക്കും. വാര്‍ത്താസമ്മേളനത്തില്‍ മഖാം കമ്മിറ്റി ജനറല്‍ സെക്രട്ടറി ഒ.പി കുഞ്ഞാപ്പു ഹാജി, അബ്ദുസ്സലാം ബാഖവി ഒഴുകൂര്‍, കുഞ്ഞാപ്പു കാഞ്ഞിരം, ടി.പി നൂറുദ്ദീന്‍ യമാനി തൃപ്പനച്ചി പങ്കെടുത്തു.