ബംഗളൂരു: കര്‍ണാടക സംസ്ഥനത്തിന് സ്വന്തമായി പതാക വേണമെന്ന് കര്‍ണാടക മുഖ്യമന്ത്രി സിദ്ധരാമയ്യ. സ്വന്തമായി പതാക വേണമെന്ന ആവശ്യത്തില്‍ ഉറച്ചുനില്‍ക്കുന്നതായും അദ്ദേഹം പറഞ്ഞു. പാലസ് ഗ്രൗണ്ടില്‍ നടന്ന കന്നഡ രക്ഷണ വേദികെ റാലിയില്‍ വച്ച് സംസാരിക്കുകയായിരുന്നു സിദ്ധരാമയ്യ.

ഒരു സംസ്ഥാനത്തിന് പ്രത്യേക പതാക അനുവദിച്ച് കൂടെന്ന് ഭരണഘടനയിലോ മറ്റ് നിയമസംഹിതയിലോ പറയുന്നില്ല. പ്രത്യേകം പതാക ലഭിച്ചാല്‍ ദേശീയപതാകയോടുള്ള ഞങ്ങളുടെ ബഹുമാനം പോകുമെന്നും അര്‍ഥമില്ല. ദേശീയപതാകയായിരിക്കും എന്നും ഏറ്റവും ശ്രേഷ്ഠമായതെന്നും അദ്ദേഹം കൂട്ടിച്ചേര്‍ത്തു.