ന്യൂഡല്‍ഹി: പ്രധാനമന്ത്രി നരേന്ദ്രമോദിയുടെ ഓഫിസ് സ്ഥിതി ചെയ്യുന്ന കെട്ടിടത്തില്‍ തീപിടുത്തം. സൗത്ത് ബ്ലോക്കിലെ കെട്ടിടത്തില്‍ പുലര്‍ച്ചെ 3.35 ഓടെയാണ് തീപിടുത്തമുണ്ടായത്.

10 അഗ്നിശമന യൂണിറ്റുകള്‍ ചേര്‍ന്ന് 20 മിനിറ്റിനുള്ളില്‍ തീ നിയന്ത്രണ വിധേയമാക്കി. ഓഫിസിലെ സുരക്ഷാ ജീവനക്കാരനാണ് രണ്ടാം നിലയിലെ 242ാം മുറിയില്‍ നിന്നും പുക ഉയരുന്നത് കണ്ടത്. കാര്യമായ നാശനഷ്ടങ്ങളുണ്ടായിട്ടില്ലെന്നാണ് സൂചന. തീപിടുത്തത്തിന്റെ കാരണം വ്യക്തമായിട്ടില്ല.

പ്രധാനമന്ത്രിക്കു പുറമെ പ്രതിരോധമന്ത്രാലയം, വിദേശകാര്യമന്ത്രാലയം, ദേശീയ സുരക്ഷാ ഉപദേഷ്ടാവ്, ക്യാബിനറ്റ് സെക്രട്ടറി, വിദേശകാര്യ സെക്രട്ടറി എന്നിവരുടെ ഓഫിസും ഇവിടെയാണ് സ്ഥിതി ചെയ്യുന്നത്.