കൊച്ചി: ചാലക്കുടിയിലെ റിയല്‍ എസ്റ്റേറ്റ് ബ്രോക്കര്‍ വി.എ രാജീവ് വധക്കേസില്‍ ഏഴാം പ്രതിയായ അഡ്വ. സി.പി ഉദയഭാനുവിന്റെ വീട്ടില്‍ പൊലിസ് റെയ്ഡ്. കൊച്ചിയിലെ വീട്ടിലാണ് റെയ്ഡ്. തൃശൂരില്‍ നിന്നുള്ള സംഘമാണ് റെയ്ഡ് നടത്തുന്നത്. ഭൂമിയിടപാടിന്റെ രേഖകള്‍ കണ്ടെത്താനാണ് പരിശോധന.

മുന്‍കൂര്‍ നോട്ടിസ് നല്‍കി ഉദയഭാനുവിനെ ചോദ്യം ചെയ്യാന്‍ കഴിഞ്ഞ ദിവസം ഹൈക്കോടതി പൊലിസിന് അനുവാദം നല്‍കിയിരുന്നു.

കേസിലെ ഒന്നു മുതല്‍ ആറു വരെയുള്ള പ്രതികളെ നേരത്തെ അറസ്റ്റ് ചെയ്തിട്ടുണ്ട്. ഉദയഭാനുവിന്റെ മുന്‍കൂര്‍ ജാമ്യാപേക്ഷ കോടതി അടുത്തയാഴ്ച പരിഗണിക്കും.