തിരുവനന്തപുരം: ഭരണപരിഷ്‌കാര കമ്മിഷന്‍ അധ്യക്ഷനും മുന്‍മുഖ്യമന്ത്രിയുമായ വി.എസ് അച്യുതാനന്ദന് ഇന്ന് 94ാം പിറന്നാള്‍. ആര്‍ഭാടമോ ആഘോഷങ്ങളോ ഇല്ലാതെ പതിവുപോലെതന്നെയാവും വി.എസിന്റെ ഇന്നത്തെ ദിനവും. ഔദ്യോഗിക വസതിയായ കവടിയാര്‍ ഹൗസില്‍ കുടുംബത്തോടൊപ്പമാവും ഉച്ചയൂണ്. പ്രസ് ക്ലബില്‍ ഒരു പുസ്തക പ്രകാശന ചടങ്ങ് മാത്രമാണ് പിറന്നാള്‍ദിനത്തിലെ പൊതുപരിപാടി.

1923 ഒക്‌ടോബര്‍ 20ാം തീയതി ശങ്കരന്റെയും അക്കമ്മയുടെയും മകനായാണ് വി.എസ് അച്യുതാനന്ദന്‍ ജനിച്ചത്. നാലാം വയസ്സില്‍ അമ്മയും 11ാം വയസ്സില്‍ അച്ഛനും നഷ്ടപ്പെട്ടു. അതുകൊണ്ടുതന്നെ ഏഴാം ക്ലാസ്സില്‍ പഠനം നിര്‍ത്തേണ്ടിവന്നു. കുട്ടനാട്ടില്‍ കര്‍ഷകത്തൊഴിലാളികളെ സംഘടിപ്പിച്ചുകൊണ്ടാണ് സഖാവ് വി.എസ് രാഷ്ട്രീയപ്രവര്‍ത്തനത്തിലേക്ക് കാലെടുത്തുവച്ചത്.