വാഷിങ്ടണ്‍: റോഹിംഗ്യന്‍ മുസ്‌ലിംകള്‍ക്കെതിരായ അതിക്രമത്തില്‍ മ്യാന്‍മര്‍ സൈന്യം ഉത്തരവാദികളെന്ന് യു.എസ് സ്റ്റേറ്റ് സെക്രട്ടറി റെക്‌സ് ടില്ലേഴ്‌സണ്‍. റോഹിംഗ്യന്‍ പ്രദേശങ്ങളില്‍ നടക്കുന്ന പീഡനങ്ങള്‍ക്ക് സാക്ഷികളായി തുടരാന്‍ ലോകത്തിന് സാധ്യമല്ല.
റോഹിംഗ്യന്‍ പ്രദേശങ്ങളിലെ പ്രശ്‌നങ്ങള്‍ കൈകാര്യം ചെയ്യുന്നതില്‍ മ്യാന്‍മര്‍ സൈന്യം നിയന്ത്രണം പാലിക്കേണ്ടിയിരുന്നു. ഈ വിഷയത്തില്‍ ഭാവിയില്‍ എന്ത് നടപടി സ്വീകരിക്കണമെന്നത് സൈനിക നേതൃത്വം തീരുമാനിക്കട്ടെയെന്നും ടില്ലേഴ്‌സണ്‍ പറഞ്ഞു.
മ്യാന്‍മര്‍ സൈനിക നേതൃത്വത്തിന് യാത്രാ വിലക്ക് ആവശ്യപ്പെട്ട് 43 യു.എസ് അസംബ്ലി അംഗങ്ങള്‍ യു.എസ് സര്‍ക്കാരിന് കത്തുനല്‍കിയിട്ടുണ്ട്. ശക്തമായ നടപടി സ്വീകരിക്കണമെന്ന് കത്തില്‍ ആവശ്യപ്പെടുന്നുണ്ട്.